Dasal para sa Kapayapaan

Panginoon, gawin mo akong daluyan ng iyong kapayapaan.
Kung saan may poot, hayaan mong magdala ako ng pag-ibig;
kung saan may pagkakasala, ng pagpapatawad;
kung saan may pagkakawatak-watak, ng pagkakaisa;
kung saan may pagdududa, ng pananampalataya;
kung saan may kawalan ng pag-asa, ng pag-asa;
kung saan may kadiliman, ng liwanag;
at kung saan may kalungkutan, ng kagalakan.

O Banal na Guro, hayaan mong hindi ko hanapin
ang mapayapa kundi ang magpayapa;
ang maunawaan kundi ang umunawa;
ang mahalin kundi ang magmahal.
Sapagkat sa pagbibigay tayo tumatanggap;
sa pagpapatawad tayo pinatatawad;
at sa pagkamatay tayo isinisilang sa buhay na walang hanggan. Amen.